قبل فترة قصيرة من الان تعطل جهازي الجوال فأصبحت الارقام تظهر بدون أسماء فاضطررت لارسال رسائل قصيرة لعدم كفاية الرصيد فكانت بالتخمين على الرقم المرسلة له ......يعني ما كنت متأكد من رقم الشخص المراد ارسال الرسالة له ......المهم كانت المحصلة على النحو التالي :
1- مرسلة إلى زميل رزق بمولود ووصلت لزميلي بالعمل توفي والده
ألف مبروك والله فرحت لك كثير وبالمناسبة هذه لازم تعشينا مافيه فكة والزملاء كلهم طايرين من الفرحة حدد موعد الوليمة بس هذه المناسبة كم تتكرر بالعمر ؟ ألف مبروك
2- مرسلة إلى الزوجة ووصلت للوالدة
أف منك كل شوي تدقي عليا ما عاد أطيق أشوف وجهك حرام عليك كرهتيني حياتي ....والله لما أنظر لك كأني أنظر لمصاص الدماء ....من يوم عرفتك وأنتي بس هات هات تفكري إني صاحب بنك ....أنا ما أحبك بصراحة بس بلاني الله فيك .
3- مرسلة إلى زميل توفي والده ووصلت لصديق لي رزق بمولود
عظم الله أجرك ....هذا حال الدنيا وأنا أخوك كلنا ماشين بالطريق هذا عليك بالصبر والاحتساب ....ولا تفكر إننا راح نتخلى عنك لا لا لا إحنا معاك بالظرف هذا ربي يصبرك بس وبلغ حزننا لكل العايلة
4- مرسلة إلى حارس المدرسة ووصلت لمدير المدرسة
يا غبي أنا بغرفتك هات الفطور بسرعة أنا تارك الفصل والعلة مدير المدرسة الان شافني واقف بالفصل أخاف يرجع ومايلقاني بالفصل أعرفه نذل وخسيس ويدور على أخطائي
5- مرسلة إلى وحدة اتصلت بالغلط ووصلت للزوجة
تصدقين أول مرة بحياتي ينشرح صدري من الصوت الجميل ليتك تتصل مرة ثانية وتجبري بخاطري ....اول مرة أحس انه الحياة حلوة .
6- مرسلة إلى أخي الكبير ووصلت لجاري
أنا قلت لك من أول هذا جارنا ما راح يريحنا ......بس أبشرك قبل شوي بنشرت سيارته وكسرت لمبة بيته وخلعت عداد الماء وكتبت بالبوية على جدار بيته للبيع ..... وكرشه اللي تقول كأنها جرة فوال بأخليها تميع زي الزبدة ....لا تخاف ما احد راح يدري عنا بالعكس راح نضحك بوجهه ونقول والله ياجار إنك أحسن جار خلها عليا بس .
7- مرسلة إلى خالي ووصلت لعديله
يا خال عديلك هذا بخيل مرة وانا ما حبيت أروح معك بس الله يهديك أجبرتني وجاملته كثير ....ما شفت عياله كيف أشكالهم والعياذ بالله كأنهم بمجاعة الله ياخذ عمره الغبي لا وطعم القهوة والشاي اللهم لك الحمد تراني كنت أكبها وراي تحت الفرشة ولا أحد شافني .....وكمان أنا اللي سحبت غترته عند الغسيل وسط الزحمة وما احد حس بي يستاهل قاهرني .
8- مرسلة إلى زوجتي ووصلت لعجوز جاره لي ما لها أحد
يا حياتي اللي تبغينه أجيبه لك أنا متعلق بك بس ظروف العمل ما تخليني أكلمك بالكلام هذه أنتي شمعة حياتي واتمنى منك تصبغي شعرك بالأسود يكون أحلى عليك وإن شاء الله بالصيف راح أخذك معي لمصر لتعيشي حياة جديدة .
9- مرسلة إلى صاحبي ووصلت لوالدة زوجتي
معليش ما اقدر اروح معاكم اتعشى راح اجيب العشاء للنسرة اللي عندي والله إنها جالسة زي الجبل على صدري تركت بيتها وزوجها ومتسنترة عندي وجع لها ما تشبع بالعكس انفتحت نفسها للاكل عندي
بس لا يهمك صاحبك ذيب حطيت لها على الغداء حبوب تمشي البطن وخلطت العصير بشوية كلوركس خليها تتوجع عساها تفارقنا ونرتاح منها .
10- مرسلة إلى لمعلم معي ووصلت لولي أمر الطالب
أبو الولد هذا حمار أنا رسبته بالقراءة أنت كمان رسبه بالعلوم هو نجح عندي بس انا رسبته عناد في أبوه ....تصدق لو اشتكاني راح يضيع مستقبلي بس وش عرفه اقول ولدك رسب شد عليه شوي بالفصل الثاني ..... وانا كل يوم اخنق الولد احط حرتي فيه لين كره المدرسة واقول لابوه فين الولد غايب يكون تعبان شوي واقول له سلامات .....خله والله لاخلي عياله كلهم مجانين .......
الأحد يونيو 12, 2011 1:54 pm من طرف البدر
موضوع: مواقف محرجة مع البدر بسبب الجوال 
